მცხეთის ჯვრის მონასტრის გარემოვაჭრეები 28 იანვრიდან საპროტესტო აქციებს აანონსებენ. ერთ-ერთი გარემოვაჭრე ლუბა ოქროპირიძე On.ge-ს უყვება, რომ ორშაბათს დილიდან იკრიბებიან.

ლუბა ოქროპირიძის თქმით, გარემოვაჭრეები დათმობაზე წავიდნენ და გუშინ, 26 იანვარს ჯიხურები დაბლა, ხრეშზე ჩაიტანეს, თუმცა პოლიციამ იქ ვაჭრობის უფლება არ მისცა. მისივე ინფორმაციით, შესაძლოა, დილით მცხეთის ჯვრის წინამძღვარს შეხვდნენ.

"რამდენად დათანხმდება არ ვიცით, აქამდე საერთოდ არ გვიკარებდა. ღმერთმა ქნას, რომ მოვიდეს და მოვილაპარაკოთ. ის თავის აზრზეა, რომ დაბლა ჩავიდეთ და ხევში, სანახირეში ვივაჭროთ", — ამბობს გარემოვაჭრე ლუბა ოქროპირიძე.

გარევაჭრობის გამო მცხეთის ჯვრის მონასტრის კარები ვიზიტორებისთვის 14 იანვარს დაიკეტა. ტაძრის კარები ორ დღეში გაიხსნა, თუმცა მოვაჭრეები დახლების გახსნას ამ დრომდე ვერ ახერხებენ.