Bird Box-ის დიდი წარმატების შემდეგ, სანდრა ბულოკმა და ნეტფლიქსმა ახალი კონტრაქტი გააფორმეს.

ოსკაროსანი მსახიობი ამჯერად სტრიმინგ-სერვისის ფენტეზის ჟანრის ფილმში Reborn ითამაშებს.

ფილმს The Lego Batman Movie-ის რეჟისორი, კრის მაკკეი გადაიღებს.

სურათი 80 წლის ქალის, ბონი ბლექის ისტორიას მოგვითხრობს, რომელიც მანჰეტენის ერთ-ერთ საავადმყოფოში გარდაიცვლება. შემდეგ კი თავიდან დაიბადება მაგიურ მიწა - ადისტრიაში.

ადისტრია, არის ადგილი, სადაც კეთილსა და ბოროტს შორის მუდმივი ომი მიმდინარეობს, ბონი კი მიზნად დაისახავს, რომ როგორმე ამ ომს ბოლო მოუღოს და ამავდროულად მისი ძველი მეგობრები და საყვარელი ადამიანები იპოვოს.

შეგახსენებთ, რომ ბულოკის მონაწილეობით გამოსულმა ჩიტის ყუთმა ნეტფლიქსის რეკორდი მოხსნა და სულ მცირე დროში 80 მილიონზე მეტი მაყურებელი მიიზიდა.