ბერლინის საერთაშორისო კინოფესტივალზე ქართული ანიმაციური ფილმის ომის იავნანა პრემიერა შედგება. სურათის რეჟისორი იანა უგრეხელიძეა.

ანიმაციის სიუჟეტი ბავშვის თვალით დანახული აფხაზეთის კონფლიქტისა და ომგამოვლილი მეგობრების ისტორიას მოგვითხრობს. ომის იავნანა ოთხი ბავშვის შესახებ ისტორიას გვიყვება, რომლებიც ხანძარში გახვეული ქალაქიდან სხვადასხვა გზებით გარბიან. ერთი გემით, ერთი თვითმფრინავით, ერთიც ავტობუსით, ხოლო მეოთხე ვერც ერთი მათგანით ვერ გარბის ქალაქიდან და გზის გავლა ფეხით, სვანეთის თოვლით დაფარული მთებით უწევს.

ბერლინის 69-ე კინოფესტივალი 2019 წლის 7 თებერვალს დაიწყება და 17 თებერვლის ჩათვლით გაგრძელდება.