დიასპორის საკითხებში სახელმწიფო მინისტრის აპარატი აცხადებს, რომ პარიზში, საქართველოს საელჩოში, გუშინ ლევილის შატოს მამულისა და ქონების საქართველოსათვის გადმოცემის დასკვნითი ნოტარიული ხელმოწერის წინა შემაჯამებელი სხდომა მოეწყო, რომელსაც თავმჯდომარეობდა დიასპორის საკითხებში საქართველოს სახელმწიფო მინისტრი გელა დუმბაძე.

სხდომას, რომლიც 5 საათის განმავლობაში გრძელდებოდა საქართველოს მხრიდან ესწრებოდნენ:

  • თეა წულუკიანი - საქართველოს იუსტიციის მინისტრი;
  • გოჩა ჯავახიშვილი - საქართველოს საგანგებო და სრულუფლებიანი დესპანი საფრანგეთში;
  • ეკატერინე სირაძე - დელონე - აქართველოს საგანგებო და სრულუფლებიანი ელჩი საფრანგეთის რესპუბლიკაში;

საფრანგეთის მხრიდან:

  • ირენ ციციშვილი - ამხანაგობა „ქართული კერის“ წარმომადგენელი;
  • ეთერ ფაღავა - ამხანაგობა „ქართული კერის“ წარმომადგენელი;
  • ელისო ტარასაშვილი - ამხანაგობა „ქართული კერის“ წარმომადგენელი;
  • მეთიუ ჟიბერი - ადვოკატი;
  • ერიკ ბრევი - ლევილის მერი;

მხარეები ლევილის მამულის საქართველოსათვის გადმოცემის უზრუნველსაყოფად საჭირო ღონისძიებებსა და ნოტარიულ აქტზე ხელმოწერისთვის წინასწარ მოსამზადებელ ტექნიკურ დეტალებზე შეთანხმდნენ.

ლევილის მამულის საქართველოსთვის გადმოცემის ნოტარიულ აქტზე საბოლოო ხელმოწერის თარიღად სექტემბრის ბოლო დეკადა დასახელდა. მხარეები დოკუმენტზე ხელს ლევილის მამულში მოაწერენ.