Friends-ის პერსონაჟი, ჯოუი ტრიბიანი არც თუ ისე წარმატებული მსახიობი იყო

თუმცა, ერთ დღეს გაუმართლა და ამერიკულ საპნის ოპერაში ჩვენი ცხოვრების დღეები ექიმ დრეიკ რემორეს როლი მიიღო

თუ მეგობრების დიდი ფანი ხართ, გემახსოვრებათ ერთ-ერთი სცენა, როდესაც საპნის ოპერაში ჯოუის პერსონაჟს ქალი ექიმის ტვინს გადაუნერგავენ

გაგიკვირდებათ და ტელენოველა, რომელშიც ჯოუი დრეიკ რემორეს როლს ასრულებდა, მართლა არსებობს

კიდევ უფრო გაგიკვირდებათ როცა გაიგებთ, რომ საპნის ოპერა უკვე 55-ე წელია გადის. დიახ, მისი პირველი სერია 1965 წელს გამოვიდა

საერთო ჯამში, ეთერში უკვე 13 ათასზე მეტი ეპიზოდია გასული

გასაკვირი არ იქნება თუ ვიტყვით, რომ საპნის ოპერამ თავისი არსებობის განმავლობაში 100-ზე მეტი რეჟისორი და კიდევ უფრო მეტი სცენარისტი გამოიცვალა. მეტიც, ჩვენი ცხოვრების დღეებში არც ერთი მსახიობი არ არის დარჩენილი შოუს პირველი სეზონიდან

ასე, რომ თუ ძალიან, ძალიან, ძალიან გრძელ სერიალს ეძებთ საყურებლად, ჩვენი ცხოვრების დღეები ამაში ნამდვილად დაგეხმარებათ