ევროკავშირის წევრ ქვეყანაში არალეგალურად შემსვლელთა რიცხვი ბოლო ხუთი წლის განმავლობაში ყველაზე მეტად დაეცა. BBC-ის ცნობით, ამის შესახებ საზღვრის დაცვის სააგენტო იუწყება.

Frontex-ის მონაცემებით, დაახლოებით 150 ათასმა არალეგალმა გადაკვეთა გასულ წელს ევროკავშირის საზღვარი, რაც 2013 წლის შემდეგ ყველაზე დაბალი მაჩვენებელია.

ფოტო: BBC

ლიბიიდან წასული მიგრანტების რიცხვმა 80 პროცენტით იკლო ერთ წელში, ხოლო მიგრანტების რაოდენობა ალჟირიდან თითქმის განახევრდა. ფრონტექსის ცნობით, ახლა ყველაზე აქტიურია ხმელთაშუა ზღვის დასავლეთ მხარე — მაროკოდან გამგზავრებული მიგრანტები ესპანეთს აფარებენ თავს, მათი რაოდენობა კი 2018 წელს გაორმაგდა.

გაეროს ლტოლვილთა უმაღლესი კომისარიატის ცნობით, მიუხედავად იმისა, რომ იკლებს მიგრანტების რაოდენობა, იზრდება მათი სიკვდილიანობის რიცხვიც. მიგრაციის საერთაშორისო ორგანიზაციის მონაცემებით, გასულ წელს 2 000-ზე მეტი ადამიანი დაიღუპა ან დაიკარგა საზღვრის გადაკვეთისას.