პარლამენტის დეპუტატ ლევან კობერიძეს მიაჩნია, რომ ქართული ოცნების სხდომაზე იურიდიულ საკითხთა კომიტეტის, ეკა ბესელიას პარტიიდან გარიცხვის თემა არ დადგება. მისივე თქმით, თუ მსგავსი საკითხი დადგება, ამის შემდეგ გახდება მისი პოზიცია ცნობილი.

როგორც მან სხდომის დაწყების წინ ჟურნალისტებს განუცხადა, გუნდში წლის დასაწყისში მიმდინარე მოვლენები უნდა განიხილონ.

გარდა ამისა, კობერიძემ უზენაეს სასამართლოში მოსამართლეების შერჩევის საკითხი შეაფასა. მისი თქმით, იუსტიციის უზენაესმა საბჭომ სია უკან უნდა გაიწვიოს და კანდიდატების შერჩევა გამჭვირვალედ უნდა წარმართოს:

"უზენაესი სასამართლო არის ქვეყანაში სამართლისათვის მებრძოლი ადამიანისთვის ბოლო საკასაციო ინსტანცია და, შესაბამისად, იქ უნდა იყვნენ მოსამართლეები, რომელთა რეპუტაციაც არანაირ ეჭვს არ იწვევს საზოგადოებაში".

მმართველი პარტიის დამფუძნებელი და თავმჯდომარე ბიძინა ივანიშვილი გუნდის წევრებს დღეს, 3 იანვარს ხვდება. ქართული ოცნების პრესსამსახურში On.ge-ს უთხრეს, რომ მათთვის არაა ცნობილი შეხვედრაზე განიხილება თუ არა ეკა ბესელიას საკითხი. ეკა ბესელია სხდომას ესწრება. მისივე თქმით, საქართველოში არ არის და 6 იანვარს დაბრუნდება.

იურიდიულ საკითხთა კომიტეტის თავმჯდომარე, ეკა ბესელია თანამდებობიდან 27 დეკემბერს გადადგა. მისი თქმით, ამით უზენაესი სასამართლოს მოსამართლეების დამტკიცებას შეუშალა ხელი.

იუსტიციის უმაღლესმა საბჭომ უზენაესი სასამართლოს მოსამართლეობის 10 კანდიდატი წარადგინა. ამის მიუხედავად, დღემდე არ არსებობს პროცედურა, რომლითაც იუსტიციის უმაღლესმა საბჭომ მოსამართლეობის კანდიდატები უნდა წარადგინოს. ამ მიზეზით, არასამთავრობო ორგანიზაციების ნაწილსა და საბჭოს არამოსამართლე წევრებს პროცესის ობიექტურობასა და მიუკერძოებლობაზე კითხვები უჩნდებათ.

ეკა ბესელიას გადადგომას მმართველ გუნდში დაპირისპირება მოჰყვა. პარლამენტის თავმჯდომარის, ირაკლი კობახიძის თქმით, ბესელიას გადადგომის მიზეზები პარტიის შიდა სამზარეულოა, რომელსაც ნაწილობრივ გარეთ გამოიტანეს.

იურიდიულ საკითხთა კომიტეტის პირველ მოადგილედ გედევან ფოფხაძე 31 დეკემბერს აირჩიეს. საქართველოს პარლამენტის თავმჯდომარე ფიქროს, რომ მისი არჩევა რეგლამენტის დარღვევით მოხდა. ეკა ბესელიას თქმით, რეგლამენტს კარგად იცნობს და იმოქმედა წესების შესაბამისად.

ამასთანავე პარლამენტის თავმჯდომარემ განაცხადა, რომ თუ ვინმე წავა ქართული ოცნების გუნდის წინააღმდეგ, ამას პასუხი აუცილებლად გაეცემა.