ახალ წლამდე აუქციონით პოლიტიკურმა პარტიამ გირჩი თავისი ლიდერი და ყოფილი საპრეზიდენტო კანდიდატი, ზურა ჯაფარიძე 3 600 ლარად გააქირავა. ფსონების დადება 31 დეკემბერს 23:30 საათზე შეწყდა. ამ თანხად ჯაფარიძე სამ ოჯახს უნდა ეწვიოს მეკვლედ.

მოქალაქეების ფსონები ასე გადანაწილდა:

  • პირველი ადგილი — 1 250 ლარი (ესტუმრება 01:00-დან 02:00 შუალედში);
  • მეორე ადგილი — 1 200 ლარი (ესტუმრება 02:00-დან 03:00 შუალედში);
  • მესამე ადგილი — 1 150 ლარი (ესტუმრება 03:00-დან 04:00 შუალედში).

გირჩი გეგმავს ზურა ჯაფარიძე "ახალი წლის ღამის აუქციონითაც" გააქირაოს. ფსონების მიღება 00:00 საათზე დაიწყო და 03:00 საათზე დასრულდება. ამ დროის მონაცემებით [00:07], ამ აუქციონზე, ყველაზე მაღალი ფსონი, რაც დაიდო, 1 100 ლარია.

პარტიამ ლიდერის მეკვლედ გასაქირავებლად აუქციონი 24 დეკემბერს გამოაცხადა.