ქუთაისის მერის გადაწყვეტილებით, ქალაქის ახალი საახალწლო განათებების ნაცვლად მერია აუტისტური სპექტრის მქონე ბავშვების ერთ-ერთ დღის ცენტრს 30 ათასი ლარით დააფინანსებს. ქუთაისის მერიის ცნობით, ამ თანხით ბენეფიციართა თერაპიის სრული კურსი დაფინანსდება.

ამის შესახებ მერმა გიორგი ჭიღვარიამ ფეისბუქის საკუთარ გვერდზე გაავრცელა განცხადება, სადაც წერს, რომ ქალაქის საახალწლო განათებისთვის 110 ათასი ლარი იყო გამოყოფილი, თუმცა აქედან, მერიამ ახალი განათებების შეძენაზე უარი თქვა და "დანაზოგი თანხა" გამოყო.