ასპინძის 3 ათასამდე მოსახლე გაუმჯობესებული წყალმომარაგებით ისარგებლებს. ინფორმაციას ამის შესახებ გაერთიანებული წყალმომარაგების კომპანია ავრცელებს.

დაბა ასპინძის მოსახლეობას წყალი დღე-ღამეში 4 საათიანი გრაფიკით მიეწოდებოდა, სამშენებლო სამუშაოების დასრულების შემდეგ, 3 000-მდე ადგილობრივი მოსახლე დღე-ღამეში 16-18 საათიანი წყალმომარაგებით ისარგებლებს. სამშენებლო-სარეაბილიტაციო სამუშაოები 2016 წლის სექტემბერში დასრულდება.

პროექტი ხანდო-ასპინძის მაგისტრალის 8 კილომეტრიანი მონაკვეთის მშენებლობას ითვალისწინებს. როგორც გაერთიანებული წყალმომარაგების კომპანია აცხადებს, 2012 წლიდან დღემდე 35 მუნიციპალიტეტში წყალმომარაგების 54 პროექტი განხორციელდა. წყალმომარაგება გაუუმჯობესდა 19 ქალაქს.