ჩვენი საბჭოთა წარსულის შესახებ ჯერ კიდევ ბევრი რამ არ ვიცით. ერთი ასეთი შეუსწავლელი სფერო კი მეორე მსოფლიო ომში დაღუპული და დაკარგული ადამიანები არიან.

საქართველოში ძნელად თუ მოიძებნება ოჯახი, საიდანაც ომში არავინ წასულა. თუ თქვენი წინაპარიც იყო იმ უამრავ ადამიანს შორის, ვინც საბჭოთა არმიის სახელით იბრძოდა, ამ უნიკალური პროექტის მიხედვით შეგიძლიათ ნახოთ, რა გზა გაიარა მან და მისმა არმიამ.

პროექტი VizHack-ის გამარჯვებულ, გუნდი Libre-ს პროდუქტს წარმოადგენს, რომელიც ფორსეტის ორგანიზებით ჩატარდა.

პროექტის ერთ-ერთი ავტორი, დათო ბუმბეიშვილი საკუთარი facebook გვერდის საშუალებით ვიდეოსაც ავრცელებს, სადაც საიტის მოხმარების წესებია ნაჩვენები.

ახლა უკვე ცხადად შეგვიძლია აღვიქვათ, რამხელა წვლილი შეიტანა საქართველომ მეორე მსოფლიო ომში და როგორ იყვნენ გადანაწილებული ქართველები ევროპაში საბრძოლო მოქმედებებისას.

მონაცემები პროექტის ავტორებს საბჭოთა წარსულის კვლევის ლაბორატორიამ მიაწოდა.