სანტას ფორმაში გამოწყობილი ობამა ბავშვთა საავადმყოფოს ეწვია

ამერიკის შეერთებული შტატების ყოფილი პრეზიდენტი ბარაკ ობამა ვაშინგტონში მდებარე ბავშვთა საავადმყოფოს სანტას ფორმაში გამოწყობილი ეწვია. ის თითოეულ პალატას ეწვია და ბავშვებს საჩუქრები დაურიგა.

57 წლის ობამა თავის პრეზიდენტობის პერიოდში აღნიშნულ საავადმყოფოს მაშინდელ პირველ ლედისთან, მიშელ ობამასთან ერთად, ყოველწლიურად სტუმრობდა.

"ეს საოცარი სიურპრიზი იყო. ერთმა ბავშვმა სიხარულისგან ტირილი დაიწყო, ერთი კი, იმის მიუხედავად რომ თავს სუსტად გრძნობდა, საწოლიდან მაინც ადგა, რომ ობამასთან ერთად ფოტო გადაეღო", - უთხრა People-ს საავადმყოფოს პრესსამსახურის უფროსმა.

"შობას ვულოცავ და ბედნიერ არდადეგებს ვუსურვებ საოცარ ბავშვებსა და ოჯახებს, და ბავშვთა საავადმყოფოს თანამშრომლებს. მადლობა, რომ სანტად მიმიღეთ", - დაწერა ობამამ ტვიტერზე.

Merry Christmas and happy holidays to the extraordinary kids, families, and staff at Children’s National. And thanks for humoring me as your stand-in Santa. https://t.co/mFmYCVk7cr
— Barack Obama (@BarackObama) December 19, 2018