ერთი კვირის განმავლობაში Disney Pixar-ის მოკლემეტრაჟიანი ანიმაციური ფილმის Bao-ს ნახვა იუთუბზე შეგიძლიათ. ბაო კინოთეატრებში 15 ივნისს, Incredibles 2-თან ერთად გამოვიდა.

7-წუთიანი ანიმაციის მთავარ პერსონაჟს ბაო ჰქვია. ისტორიის ეპიცენტრში კი კანადაში მცხოვრები ჩინელი ემიგრანტი ქალია, რომელიც შვილთან გაუცხოებისა და ქმრის უყურადღებობის გამო თავს უბედურად გრძნობს.

ქალი სევდას საჭმლის მზადებითა და ჭამით იკლავს. ერთხელაც, მისი გაკეთებული ცომის პატარა გუნდა ცოცხლდება, რასაც ქალის ერთფეროვან ცხოვრებაში სიახლე შეაქვს.

ბაო პიქსარის ისტორიაში პირველი მოკლემეტრაჟიანი ანიმაციაა, რომლის რეჟისორიც ქალია. ბაო ოსკარის შორტლისტშიც მოხვდა.

დომი ში, რომელმაც ეს პერსონაჟი შექმნა, ამბობს, რომ ფილმში თავისი ბავშვობის მოგონებები გააცოცხლა. ის იხსენებს, რომ ჩინეთიდან ახლადჩამოსული დეპრესიაში იყო და გამუდმებით ამზადებდა მშობლიურ საჭმელებს, რათა თავი ოდნავ მაინც გაემხიარულებინა.