აზერბაიჯანის გეი მოქალაქე, რომელიც ბაქოდან სექსუალური ნიშნით შევწიროვებისა და დისკრიმინაციის გამო საქართველოში ჩამოვიდა, ხელისუფლებამ დროებით სპეციალურ თავშესაფარში გადაიყვანა. ინფორმაცია იდნეტობას ონლაინ გამოცემა 17 მაისი ავრცელებს.

17 მაისის ცნობით, აზერბაიჯანის მოქალაქემ იდენტობას დახმარებისთვის 2016 წლის 12 თებერვალს მიმართა. როგორც მან განაცხადა, აზერბაიჯანში მას სექსუალური ნიშნით ავიწროვებდნენ, რის გამოც, როგორც კი სრულწლოვანი გახდა, ქვეყანა დატოვა. იდენტობას დახმარებით აზერბაიჯანის მოქალაქემ საქართველოში ლტოლვილის სტატუსის მოპოვება დაიწყო, რაც შესაძლოა, სხვადასხვა ბიუროკრატიული პროცესის გამო რამდენიმე თვე გაიწელოს.

როგორც 17 მაისი წერს, 22 თებერვალს იდენტობას სოციალურ მუშაკებს ლტოლვილთა სამინისტროს შესაბამისი კომისიის წარმომადგენელი დაუკავშირდა და აცნობა, რომ აზერბაიჯანის მოქალაქეს დროებით მარტყოფის თავშესაფარში გადაიყვანდნენ.

სტატიის სრული ვერსია იხილეთ 17 მაისის ვებ-საიტზე.