ტელეკომპანიების რუსთავი 2-სა და TV პირველის ინფორმაციით, თბილისში, საბურთალოზე სპეცოპერაცია ჩატარდა და უკრაინის ხუთი მოქალაქე დააკავეს. ლიხაურის ქუჩაზე, სასტუმროში სპეცრაზმი გამთენიისას მივიდნენ.

სასტუმროს თანამშრომლები ხუთი პირის დაკავების შესახებ ინფორმაციას ადასტურებენ.

ტელეკომპანიების ინფორმაციით, დაკავებულთა შორის, სავარაუდოდ, დონბასში მებრძოლი ქართველი სამხედრო, ლუკა ჩხეტიაა, რომელიც საქართველოში გაერთიანებული ოპოზიციის აქციაზე დასასწრებად ჩამოვიდა.

შინაგან საქმეთა სამინისტროში სპეცოპერაციის ჩატარების შესახებ არ საუბრობენ.