ხორავას ქუჩის საქმის გამოძიებიდან ერთი წელი გავიდა. ამ დრომდე უცნობია ზაზა სარალიძისთვის, ვინ მოკლა მისი შვილი. ის განაჩენის გამოცხადების დღიდან აქციებს მართავს და დათო სარალიძის მკვლელების დასჯას ითხოვს. ხორავას ქუჩის ტრაგედიიდან ერთი წლის შემდეგ რუსთაველის გამზირზე საპროტესტო აქცია მსვლელობა იმართება.

მსვლელობაში რამდენიმე ათეული პირი იღებს მონაწილეობას. მათ ხელში ხორავას ქუჩაზე მოკლული არასრულწლოვნების დათო სარალიძისა და ლევან დადუნაშვილის ფოტოები უკავიათ.

ზაზა სარალიძე მისი შვილის მკვლელის დასჯას ამ დრომდე უშედეგოდ ითხოვს. თითქმის 3 თვეა, ის, პანკისში მოკლული თემირლან მაჩალიკაშვილის მამასთან ერთდ, პარლამენტის შენობის წინ პერმანენტულ აქციას მართავს.

ხორავას ქუჩაზე მოზარდების დაპირისპირების დროს ლევან დადუნაშვილი ადგილზე დაიღუპა, დათუნა სარალიძე კი მრავლობითი ჭრილობებით საავადმყოფოში 2 დეკემბერს გარდაიცვალა.

გაიგე მეტი: მკვლელობა ხორავას ქუჩაზე