რუსეთი პრეზიდენტის პრესმდივანმა, დიმიტრი პესკოვმა განაცხადა, რომ საქართველოს საპრეზიდენტო არჩევნებს თვალს ადევნებენ.

"ჩვენ ვამჯობინებთ, რომ დაველოდოთ პირველ განცხადებებს რუსეთსა და საქართველოს შორის შესაძლო ურთიერთობის განვითარების პერსპექტივების შესახებ. უპირობოა, რომ ორი ერი ერთმანეთთან ძალიან ახლოს რჩება, ცნობილი მოვლენების შემდეგ ქვეყანათაშორისი ურთიერთობები მხოლოდ უკეთესის სურვილს ტოვებს", — განაცხადა პესკოვმა.

28 ნოემბერს საქართველოში საპრეზიდენტო არჩევნების მეორე ტური ჩატარდა. ცესკოს წინასწარი შედეგებით, არჩევნებში ქართული ოცნების მიერ მხარდაჭერილმა საპრეზიდენტო კანდიდატმა, სალომე ზურაბიშვილმა გაიმარჯვა.

საპრეზიდენტო არჩევნები შეაფასა ოკუპირებული სამხრეთ ოსეთის დე ფაქტო პრეზიდენტმა, ანატოლი ბიბილოვმაც. მისი თქმით, მნიშვნელობა არ აქვს ვინ იქნება საქართველოს პრეზიდენტი, რადგან ეს თბილისი-ცხინვალის ურთიერთობაზე გავლენას მაინც არ იქონიებს.