ქაბულში, ამერიკულ უნივერსიტეტზე თავდასხმას 12 ადამიანის სიცოცხლე ემსხვერპლა, მათ შორის 7 სტუდენტი იყო. პოლიციამ ორივე შეიარაღებული თავდამსხმელი მოკლა. ინფორმაციას Reuters ავრცელებს.

თავდასხმა ადგილობრივი დროით, დაახლოებით, 6:30 საათზე, დიდი აფეთქებით დაიწყო. პოლიციის განმარტებით, ჯერ მანქანა აფეთქდა, რასაც სროლა მოჰყვა.

ქაბულის პოლიციის უფროსის განცხადებით, გარდაცვლილთა შორის 7 სტუდენტი, 3 პოლიციელი და ორი დაცვის თანამშრომელია.

მომხდარზე პასუხისმგებლობა ამ დრომდე არც ერთ დაჯგუფებას არ აუღია.