მმართველი პარტიის დამფუძნებლის, ბიძინა ივანიშვილის თქმით, ხალხი მათზე ნაწყენია, თუმცა არა — გაბრაზებული. ამის შესახებ ბიძინა ივანიშვილმა ტელეკომპანია იმედის საგანგებო რეჟიმში შექმნილ გადაცემა იმედია LIVE-ში განაცხადა.

"ხალხი ნაწყენია და არა — გაბრაზებული. ხალხი არ არის, რომ ვერ იტანს ქართულ ოცნებას. არ არის დამოკიდებულება, რომ აუტანელია ქართული ოცნება ხალხისთვის. ხალხმა გააკეთა ძალიან ჯანმრთელი რეაქცია: არ მოიქცნენ ისე და აჩვენა ხასიათი. ხალხი ნაწყენია და სწორედ საფუძვლიანად ნაწყენია", — აღნიშნა ივანიშვილმა.

მართალია, მმართველი პარტიის დამფძნებელმა, ბიძინა ივანიშვილმა დღეს მხოლოდ წყენაზე ისაუბრა. თუმცა არჩევნების შემდეგ აღნიშნა, რომ ხალხი მათ პარტიაზე გაბრაზებულია, რადგან დასაშვები გახადეს "მოძალადე რეჟიმის" უკან "დაბრუნების საფრთხე".