თუ სტატიის სექსისტური სათაური შეგაწუხებთ, წინასწარ გეტყვით, რომ ის ყველაფერი, რასაც ქვემოთ წაიკითხავთ, ამ ამბავში მონაწილე ვარსკვლავების ხუმრობაა და არა რეალობა. თუმცა, ჰოლივუდელი კაცების "ჩხუბი" მაინც ძალიან სახალისო საყურებელია.

დღევანდელი ისტორიის ეპიცენტრში არიან ჰიუ ჯეკმანი, ემილი ბლანტი, მისი ქმარი ჯონ კრასინსკი და ტვიტერის ყველაზე დიდი ცინიკოსი — რაიან რეინოლდსი.

ამ შაბათ-კვირას Variety-მ ვარსკვლავური ღონისძიება Actors on Actors [მსახიობები მსახიობებზე] გამართა. და ვინ გამოჩნდა ერთად ფოტოქოლზე?

ემილი ბლანტი და ჰიუ ჯეკმანი.

"ძალიან ვისიამოვნე საოცარ ემილისთან საუბრით", - დაწერა ჰიუ ჯეკმანმა ტვიტერზე.

და ემილი ბლანტის ქმარმა, ჯონ კრასინსკიმ ეს ტვიტი და წითელი ხალიჩიდან ჰიუს და ემილის საერთო ფოტოები არც ისე მარტივად მიიღო:

"მგონი Variety-ის ღონისძიება ამას არ გულისხმობდა. ჰიუ არ მაფიქრებინო, რომ საცემი ხარ"

სარკაზმის მეფე რაიან რეინოლდსსაც მეტი რა უნდოდა? იმის ნაცვლად, რომ სიტუაცია განემუხტა, ცეცხლზე ნავთი დაასხა:

"დროა, ეს კაცი [ჰიუ ჯეკმანი] შევაჩეროთ!"

ტვიტერზე ამბავს დიდი გაგრძელება აღარ ჰქონია, თუმცა ჰიუ ჯეკმანმა სანტა ბარბარაში გამართულ საერთაშორისო ფილმის ფესტივალზე მომენტი ხელიდან არ გაუშვა და კრასინსკისა და რეინოლდსს უპასუხა:

"შენს ადგილზე დაეტიე, ჯონ. მხოლოდ ამას გიპასუხებ!"

"მასთან [კრასინსკი] ჩხუბის პრობლემა არ მაქვს, მაგრამ ის დღეს ჩემს სახლთან რაიანთან ერთად მოვიდა. "კარგით რა ბიჭებო, ერთად არ გინდათ, ერთი ერთზე მოდით", ვუპასუხე მე", - დასძინა ჰიუმ.

როგორც ჩანს, ემილი მანდილის ჩაგდებას ჯერ არ აპირებს...

...ასე რომ, კრასინსკის პასუხის დროა!