ფინანსთა მინისტრის, ივანე მაჭავარიანის თქმით, პრემიერის მიერ 600 ათასი ადამიანის შავი სიიდან ამოსაყვანად საჭირო ფინანსური ტვირთი სულად ქართუ ჯგუფმა იკისრა. ამის შესახებ მინისტრმა მთავრობის ადმინისტრაციაში გამართულ ბრიფინგზე ისაუბრა.

მისი თქმით, იმ ადამიანებს ჩამოეწერებათ თანხა, რომელებიც ბოლო ერთი წლის განმავლობაში ვერ იხდიდნენ ვალს და რომელთა სესხის ძირი თანხა თითოეულ საფინანსო კომპანიაში არ აღემატება 2 000 ლარს.

ვალი არ ჩამოეწერებათ ვივუსის კლიენტებს. ფინანსთა მინისტრის, ივანე მაჭავარიანის თქმით, კომპანია მოლაპარაკებების პირობებს არ დათანხმდა.

დღეს, 19 ნოემბრის საგანგებო ბრიფინგზე პრემიერმა მამუკა ბახტაძემ ე.წ. შავ სიაში მყოფი 600 ათასი ადამიანისთვის ჯამში 1,5 მილიარდი ლარის ვალის განულებაზე ისაუბრა. ბახტაძის ინფორმაციით, ე.წ. შავ სიაში მყოფილი ადამიანების 95 პროცენტს სწორედ 2 000 ლარამდე "ძირი თანხის" მქონე დავალიანება აქვთ.

ამავე თემაზე: