საქართველოს ყოფილმა პრეზიდენტმა, მიხეილ სააკაშვილმა ქართული ოცნების მიერ დაქირავებულ პიარსპეციალისტს, მოშე კლუგჰაფტს ანტისემიტურ კონტექსტში მოიხსენია და მას "ვიღაც ებრაელი აფერისტი" უწოდა. რატომ არის სააკაშვილის მიერ გამოყენებული სიტყვები ანტისემიტური შინაარსის ამის შესახებ On.ge-ს ტოლერანტობისა და მრავალფეროვნების ინსტიტუტის (TDI) დირექტორი, ეკა ჭითანავა ესაუბრა.

მისი თქმით, ხშირად ებრაელების მიმართ აგრესიულად განწყობილი ჯგუფები თუ ადამიანები მტრის ხატის შესაქმნელად ეკონომიკურ მდგომარეობას, ეთნიკურ, ან რელიგიურ იდენტობას ერთმანეთს უკავშირებენ.

"მიხეილ სააკაშვილმა დამამცირებელი კონოტაციით აღნიშნა ადამიანის ეთნიკური წარმომავლობა, რომელსაც ამ კონკრეტულ შემთხვევაში არანაირი მნიშვნელობა არ ჰქონდა. გარდა ამისა, მან გამოიყენა ებრაელების მიმართ ყველაზე გავრცელებულ სტერეოტიპი", — აღნიშნავს ჭითანავა.

ის აღნიშნავს, რომ მსგავსი სტერეოტიპული განცხადებების გავრცელებას მარტივად შეუძლია უარყოფითი გავლება ჰქონდეს საზოგადოების განწყობებზე.

"ძალიან სამარცხვინოა, როდესაც პოლიტიკური პარტიის ლიდერი და ყოფილი პრეზიდენტი ამ ხერხს მიმართავს თავისი მხარდაჭერების მობილიზაციისა თუ ოპონენტის დისკრედიტაციისთვის", — დასძენს ის.

მიხეილ სააკაშვილისთვის ქსენოფობიური ტიპის განცხადება ახალი არ არის. რამდენიმე კვირის წინ საქართველოს მესამე პრეზიდენტმა ქვეყნის ტურისტულ განვითარებაზე საუბრისას განაცხადა, რომ ქვეყანას მხოლოდ მდიდარი ტურისტები სჭირდება.

15 სექტემბერს ტოლერანტობისა და მრავალფეროვნების ინსტიტუტის (TDI) განმარტებით, სააკაშვილის განცხადებები მიზანმიმართულად ქსენოფობიურია. ინსტიტუტს მაგალითად მოჰყავდა სააკაშვილის ერთ-ერთი განცხადება, რომელშიც ის ამბობს, რომ საქართველოში დროებითი ბინადრობის მქონე პირებს "ქართველების სამუშაო ადგილები მიაქვთ".

მესამე პრეზიდენტი დისკრიმინაციულ განცხადებებზე საუბარია არა ფობიას! ერთ-ერთ განცხადებაში. არა ფობიას! განცხადებით, სააკაშვილი შედარებების გზით დამამცირებელ და შეურაცხმყოფელ კონტექსტში იხსენიებს სხვადასხვა ეთნიკურ ჯგუფსა და ქალებს.