მეორე ტურის საარჩევნო ბანერზე საპრეზიდენტო კანდიდატის, სალომე ზურაბიშვილის ნაცვლად ქართული ოცნების თავმჯდომარე, ბიძინა ივანიშვილია გამოსახული. ბანერზე ზურაბიშვილის საარჩევნო ნომერი და სლოგანი წერია.

საპრეზიდენტო არჩევნებში მმართველი პარტია სალომე ზურაბიშვილს უჭერს მხარს. მათ არაერთხელ უთქვამთ, რომ ზურაბიშვილის დამოუკიდეელი კანდიდატია, რომელსაც უბრალოდ მხარს უჭერენ.

ფოტოზე გამოსახულების ცვლილების გარდა, მეორე ტურისთვის შეიცვალა სალომე ზურაბიშვილის საარჩევნო სლოგანიც. "ერთად საქართველოსთვის" წარწერა "პრინციპულმა არჩევანმა" ჩაანაცვლა.

ფოტო: On.ge

არჩევნების პირველი ტურის შემდეგ სალომე ზურაბიშვილი საზოგადოებისა და მედიის წინაშე ისე აქტიურად აღარ გამოჩენილა, როგორც მანამდე. პირველი ტურის პირველადი შედეგების გამოცხადებიდან მხოლოდ მესამე დღეს გააკეთა მან განცხადება და აღნიშნა, რომ "ვაშაძესა რუსეთს ქვეყანას არ დაუთმობდა". მმართველი გუნდის წარმომადგენლები ამბობენ, რომ სალომე ზურაბიშვილი აქტიურ საარჩევნო კამპანიას მეორე ტურის თარიღის გამოცხადების შემდეგ დაიწყებს.

პირველი ტურის შემდეგ

საპრეზიდენტო არჩევნების მეორე ტური ოთხშაბათს, 28 ნოემბერს ჩატარდება.