ერთიანი ნაციონალური მოძრაობის წევრი, თინათინ ბოკუჩავა ეხმაურება არასამთავრობო ორგანიზაციების მიერ გავრცელებულ ინფორმაციას, რომ არსებობს აარჩევნო კომისიის შესარჩევი წევრების სავარაუდო წინასწარი სიები, რომლებშიც ქართული ოცნების აქტივისტები არიან და განმარტავს, რომ ეს ქართული ოცნების ერთგვარი წინასაარჩევნო ხრიკია:

"ჩვენ დოკუმენტური ინფორმაცია გვაქვს იმასთან დაკავშირებით, რომ წინასწარ შედგენილი სიების მიხედვით არჩევდნენ კომისიის წევრებს, რომლებიც აპოლიტიკურები უნდა იყვნენ. ეს არის უბრალოდ ერთ ერთი ხრიკი, რომელსაც ეცდება, რომ ბიძინა ივანიშვილმა და მისმა გარემოცვამ გამოიყენონ 8 ოქტომბრის საპარლამენტო არჩვების შედეგების მათ სასარგებლოდ შესაცვლელად".

საკითხს ეხმაურება ასევე თავისუფალი დემოკრატების წევრი, ირაკლი ჩიქოვანიც და ამბობს, რომ ქართული ოცნების ადგილობრივი წარმომადგენლები, პირდაპირი კარნახით მიუთითებენ კომისიის წევრებს, თუ ვინ უნდა შეარჩიონ საუბნო-საარჩევნო კომისიებში, როგორც ე.წ. პროფესიული წევრები.

რაც შეეხება მმართველი გუნდის პოზიციას, გია ვოლსკი განმარტავს, რომ პარტიული გავლენის ქვეშ მყოფი კომისიის წევრები, რომლებიც გააყალბებენ არჩევნებს, ისევე როგორც არა ერთი არჩევნები გააყალბეს 2004-დან 2012 წლამდე, არის მიუღებელი.

არასამთავრობო ორგანიზაცია სამართლიანმა არჩევნებმა გაავრცელა ინფორმაცია, რომ რამდენიმე ოლქში საუბნო საარჩევნო კომისიის წევრთა შესარჩევი კონკურსი ხარვეზებით მიმდინარეობს. კერძოდ, ორგანიზაციის დამკვირვებლებმა სხვადასხვა წყაროებიდან შეიტყვეს ზოგიერთ საარჩევნო ოლქში საუბნო კომისიის შესარჩევი წევრების სავარაუდო წინასწარი სიების არსებობის შესახებ, რომლითაც საოლქო კომისიის წევრებს უნდა ეხელმძღვანელათ.