საქართველოს ეროვნული ჩემპიონატი 10 ნოემბერს დაიწყება. ეს გახლავთ რიგით 28-ე პირველობა, რომელსაც 2008 წლიდან სუპერლიგა ეწოდება.

სუპერლიგის მონაწილეთა რაოდენობა სხვადასხვა წლებში იცვლებოდა, ამ სეზონში კი მასში 10 გუნდი იასპარეზებს – დინამო, ოლიმპი, ქუთაისი, ბათუმი, რუსთავი, მგზავრები, კაკტუსი, დელტა, შსს აკადემია-ტიტები და თსუ-ჰიუნდაი.

ფოტო: საქართველოს კალათბურთის ეროვნული ფედერაცია

სუპერლიგის 2018-2019 წლების სეზონის რეგულარული ჩემპიონატი გუნდების უმრავლესობასთან შეთანხმებით ორ წრედ ჩატარდება.

პლეიოფში მონაწილეობას რეგულარული ჩემპიონატის საუკეთესო 8 გუნდი მიიღებს და ჩემპიონობისთვის ბრძოლას განაგრძობს. მე-9 ადგილზე გასული გუნდი "ა" ლიგის მეორეადგილოსანთან სუპერლიგაში დასარჩენად საკვალიფიკაციო სერიას სამ მოგებამდე გამართავს.

რეგულარულ ჩემპიონატში მე-10 ადგილზე გასული გუნდი სუპერლიგას დატოვებს და მის ადგილს "ა" ლიგის გამარჯვებული დაიკავებს.

სუპერლიგას 2 დებიუტანტი ჰყავს. თსუ-ჰიუნდაიმ "ა" ლიგის მოგებით მოიპოვა უმაღლეს დივიზიონში თამაშის უფლება, ხოლო ტიტებმა, რომელმაც "ა" ლიგაში მეორე ადგილი დაიკავა, საკვალიფიკაციო რაუნდში სუპერლიგის სოხუმს აჯობა.

იხილეთ სრული კალენდარი.