16 ოქტომბერს HUAWEI-მ ლონდონში პრემიუმ კლასის ორი ახალი სმარტფონი, Mate20 და Mate20 Pro წარადგინა. ახალი ფლაგმანები ყველაზე დახვეწილი და მაღალტექნოლოგიური სმარტფონებია, რაც კი HUAWEI-ს აქამდე შეუქმნია.

"HUAWEI Mate20 სერია შექმნილია იმისთვის, რომ იყოს მომხმარებლის საუკეთესო "მეგობარი“. ის აღჭურვილია განახლებული ხელოვნური ინტელექტით, მძლავრი ელემენტითა და შთამბეჭდავი კამერებით, რაც მომხმარებელს საშუალებას აძლევს, რომ სრულყოფილ ცხოვრებას ეზიარონ“, - აღნიშნა HUAWEI-ს სამომხმარებლო ბიზნეს ჯგუფის აღმასრულებელმა დირექტორმა რიჩარდ იუმ.

Kirin 980

Mate20 სერია აღჭურვილია მსოფლიოში ამ დროისთვის ყველაზე ინოვაციური და ყველაზე პატარა 7 ნანომეტრიანი პროცესორით - Kirin 980-ით. ახალი პროცესორი მის წინამორბედზე 20%-ით უფრო ეფექტური და 40%-ით უფრო სწრაფია. მასში ასევე ჩამონტაჟებულია ახალი თაობის ბირთვი, რომელიც მის წინამორბედზე 75%-ით უფრო ძლიერი და 58%-ით უფრო ეფექტურია. ჯამში ახალი პროცესორის წყალობით სმარტფონის გრაფიკული შესაძლებლობები 46%-ით არის გაუმჯობესებული.

ჩიპში ჩაშენებული სპეციალური "ორმაგი ტვინის" (NPU) წყალობით, მის ხელოვნურს ინტელექტის შეუძლია ჭკვიანურად გაანაწილოს პროცესორის წინაშე არსებული დავალებები, რაც სმარტფონის მოხმარებას ერთიორად უფრო სწრაფს ხდის. ორმაგი NPU-ს გამოყენებით სმარტფონს წუთში 4 500-მდე გამოსახულების ამოცნობა შეუძლია.

Leica-ს სამმაგი კამერა

ახალ სმარტფონში არსებული სამივე ძირითადი კამერა Leica-სთან თანამშრომლობით არის შექმნილი. HUAWEI Mate20 Pro აღჭურვილია 40 მეგაპიქსელიანი ძირითადი, 20 მეგაპიქსელიანი ფართო ხედვის (16mm) და 8 მეგაპიქსელიანი ტელე-ფოტო ლინზის მქონე კამერით. ახალ სმარტფონს ფოკუსის დაჭერა ლინზიდან 2.5 სანტიმეტრის დაშორებითაც კი შეუძლია.

Mate20 სერიას ასევე გააჩნია ხელოვნურ ინტელექტზე დაფუძნებული პორტრეტული ფერადი რეჟიმი. მას შეუძლია სურათში სასურველი ობიექტი ფერადი დატოვოს, ხოლო მის გარშემო არსებული სივრცე კი შავ-თეთრი გახადოს.

აღნიშნულ ლინზათა ერთობლიობა საშუალებას იძლევა, რომ საკუთარი სმარტფონით მივიღოთ ისეთივე გამოსახულება, როგორიც პროფესიული ფოტოაპარატით გადაღების დროს.

ახალი ოპერაციული სისტემა

Mate20 აღჭურვილია Android Pie-ზე დაფუძნებული ოპერაციული სისტემით, EMUI 9.0-ით. მომხმარებლებს ახლა უკვე შეუძლიათ ეკრანზე მარტივი შეხებით სმარტფონის ყველა მთავარი სამუშაო თუ გასართობი ფუნქციით ისარგებლონ. EMUI 9.0-ს მოჰყვება GPU Turbo 2.0, რაც თამაშებს დამატებითი მხარდაჭერით უზრუნველყოფს. ოპერაციულ სისტემაში ასევე ჩაშენებულია ფუნქცია HiVision, რომლის წყალობითაც სმარტფონის კამერას ცნობილ ღირშესანიშნაობებისა და ნახატების ამოცნობა და მათზე დამატებითი ინფორმაციის მოწოდება შეუძლია. HiVision გვაწვდის ინფორმაციას ამა თუ იმ პროდუქტის კალორიების ოდენობის შესახებაც.

უძლიერესი ელემენტი და უსწრაფესი დატენვის ტექნოლოგია

HUAWEI-ს ახალ ფლაგმანებში შევხვდებით 4200-მილიამპერიან ელემენტსა და 40W-იანი უსწრაფესი დატენვის ტექნოლოგიას, რომლის საშუალებითაც სულ რაღაც 30 წუთში ტელეფონის ელემენტის 70%-მდე შევსებაა შესაძლებელი.

სმარტფონს უსადენო დატენვის საშუალებაც აქვს, მაგრამ გარდა საკუთარი თავისა, მას 4 200 მილიამპერიანი ელემენტით სხვა, უსადენო დატენვის ფუნქციის მქონე სმარტფონების დატენვაც შეუძლია.

4.5G LTE და უსწრაფესი WiFi

Mate20 Pro მსოფლიოში პირველი სმარტფონია, რომელსაც 4.5 LTE ქსელის მხარდაჭერა აქვს, რაც საშუალებას იძლევა, რომ მომხმარებლებმა 1.4 გბ/წმ ჩამოტვირთვის სიჩქარით ისარგებლონ. მას ასევე აქვს მსოფლიოში უსწრაფესი WiFi კავშირი.

Mate20 Pro-ს აქვს 3D Face Unlock მხარდაჭერა, რისი საშუალებითაც სმარტფონს მომხმარებლის ამოცნობა წამის მეათედებში შეუძლია. 3D სენსორის მქონე კამერის სისტემა ტელეფონის წინა მხარესაა განთავსებული.

ტელეფონში გამოყენებულია სპეციალური გამძლე მინა, რომელზეც თითის ანაბეჭდები არ რჩება.

ქართველი მომხმარებლებისთვის ზურმუხტისფერი HUAWEI Mate20 Pro სულ ცოტა ხანში იქნება ხელმისაწვდომი.

HUAWEI-ს სმარტფონები და სერვისები 170-ზე მეტ ქვეყანაშია ხელმისაწვდომი და მას მსოფლიოს მოსახლეობის მესამედი იყენებს. HUAWEI-ის გლობალური ქსელი, რომლის კვლევითი და განვითარების ცენტრებიც აშშ-ში, გერანიაში, შვედეთში, რუსეთში, ინდოეთში და ჩინეთშია განთავსებული, ეყრდნობა ტელეკომუნიკაციის ბიზნესში 20 წლიან გამოცდილებას და ემსახურება მომხმარებლისთვის ინოვაციური ტექნოლოგიების შეთავაზებას მთელი მსოფლიოს მასშტაბით.