"ყველაზე გავლენიანი უცნობი", — ასე ახასიათებს გერმანული პრესა ქართველ მხატვარს, ნიკო ფიროსმანს, რომელსაც ვენა მასპინძლობს. ვისთვის "გავლენიანმა უცნობმა" და ვისთვის დაუფასებელმა გენიამ ალბერტინას მუზეუმში დაიდო ბინა და მსოფლიო ლეგენდებთან პაბლო პიკასოსთან, კლოდ მონესთან და ედვარდ მუნკთან ერთად იწონებს თავს.

ფოტო: განათლების, მეცნიერების, სპორტისა და კულტურის სამინისტრო

"ნიკო ფიროსმანი — სამყაროთა შორის მოხეტიალე" ამ სახელწოდების გამოფენაზე, რომელიც 26 ოქტომბრიდან 2019 წლის 27 იანვრამდე გაგრძელდება წარმოდგენილია მხატვრის 29 ნამუშევარი საქართველოს ეროვნული მუზეუმის, შალვა ამირანაშვილის სახელობის კოლექციიდან. გარდა ფიროსმანის უნიკალური შემოქმედებისა ალბერტინას მუზეუმში გამოფენილია ილია ზდანევიჩის ხელნაკეთი წიგნი სახელწოდებით ფიროსმანაშვილი 1914. წიგნში შესულია პაბლო პიკასოს მიერ შესრულებული გრავიურა — ფიროსმანის პორტრეტი.

პროექტის ფარგლებში პირველად გამოიფინა ცნობილი იაპონელი არქიტექტორის ტადაო ანდოს მიერ სპეციალურად შექმნილი მაგიდა სახელწოდებით Table Of Pirosmani, რომელიც მხატვრის ხსოვნას ეძღვნება.

ფოტო: განათლების, მეცნიერების, სპორტისა და კულტურის სამინისტრო

ფოტო: განათლების, მეცნიერების, სპორტისა და კულტურის სამინისტრო

ფოტო: განათლების, მეცნიერების, სპორტისა და კულტურის სამინისტრო

ფოტო: განათლების, მეცნიერების, სპორტისა და კულტურის სამინისტრო

თუმცა, ეს ყველაფერი როდია. ფიროსმანთან ერთად, ერთ სივრცეში გამოიფინა მისი შემოქმედებით ინსპირირებული თანამედროვე ხელოვნება. მუზეუმის თანამედროვე ხელოვნების სივრცე, მხატვრის შემოქმედებით შთაგონებულ არტისტთა ნამუშევრებს მასპინძლობს. ავტორთა შორის არიან: ადრიან გენი, ჯორჯ ბაზელიცი, იოშიტომო ნარა და ანდრო ვეკუა.

ფოტო: განათლების, მეცნიერების, სპორტისა და კულტურის სამინისტრო

ფოტო: განათლების, მეცნიერების, სპორტისა და კულტურის სამინისტრო

სპეციალურად ამ გამოფენისთვის კი ფიროსმანის გმირები ვეს ანდერსონის პარტნიორმა ანიმატორმა, ტომ ო'მეარამ შექმნა და გააცოცხლა.

გამოფენის მთავარი მიზანი ნიკო ფიროსმანაშვილის შემოქმედებისა და ქართული კულტურული მემკვიდრეობის ფართო საზოგადოებისთვის გაცნობაა. სწორედ ამიტომ, გამოფენის დღეს ქართველი მხატვრის უნიკალური ნამუშევრების გარდა ალბერტინას სტუმრები ქართულ მრავალხმიან მუსიკასაც ეზიარნენ.

ფოტო: განათლების, მეცნიერების, სპორტისა და კულტურის სამინისტრო

31 ოქტომბერს კი ალბერტინა მუზეუმმა ჰელოუნის დღესასწაული მსოფლიოს ნიკო ფიროსმანის ნახატით მიულოცა და ქართველი მხატვრის გამოფენაზე კიდევ ერთხელ მიიწვია.

ვენაში, ალბერტინას მუზეუმში ნიკო ფიროსმანაშვილის გამოფენა, მხატვრის გარდაცვალების 100 წლისთავს ეძღვნება. ალბერტინას მუზეუმში ნიკო ფიროსმანაშვილის გამოფენის ორგანიზატორია საქართველოს ეროვნული მუზეუმი, ალბერტინას მუზეუმი და "Infinitart Foundation Vienna".