ვენის ალბერტინას მუზეუმი ჰელოუინს მსოფლიოს ნიკო ფიროსმანის ნახატით ულოცავს და ქართველი მხატვრის გამოფენაზე იწევს.

"გილოცავთ ჰელოუინს!

ნიკო ფიროსმანის გამოფენა საუკეთესო ადგილია, სადაც წვეულების დაწყებამდე შეგიძლიათ მოხვიდეთ. აქ ბნელა და ცოტა საშიშია. შეგიძლიათ, თქვენი კოსტიუმებით გამოცხადდეთ", - წერია მუზეუმის პოსტში, რომელსაც ფიროსმანის 1914 წლის ტილოს "დათვი მთვარიან ღამეში" სურათი ერთვის.

ვენაში, ალბერტინას მუზეუმში ნიკო ფიროსმანაშვილის გამოფენა, მხატვრის გარდაცვალების 100 წლისთავს ეძღვნება. ალბერტინას მუზეუმში ნიკო ფიროსმანაშვილის გამოფენის ორგანიზატორია საქართველოს ეროვნული მუზეუმი, ალბერტინას მუზეუმი და "Infinitart Foundation Vienna".

გაიგეთ მეტი: ნიკო ფიროსმანის საპატიო ადგილი პაბლო პიკასოს და კლოდ მონეს გვერდით — უნიკალური გამოფენა ალბერტინას მუზეუმში