საინფორმაციო სააგენტომ იმერეთი ნიუსი ფუნქციონირება შეაჩერა. სააგენტოს დამფუძნებელი კოტე ცირეკიძე აცხადებს, რომ რედაქცია მერიის მაღალჩინოსნების მხრიდან განხორციელებული მუქარის გამო აღარ მუშაობს.

ცირეკიძე ფეისბუქის საკუთარ გვერდზე წერს, რომ ქუთაისის ვიცე-მერი, გიორგი იობაშვილი და იმერეთის გუბერნატორის მოადგილე, გრიგოლ დალაქიშვილი, მისი და მისივე ოჯახის წევრებს, ასევე, სააგენტოს თანამშრომლებსა და მათი ოჯახის წევრებს პირდაპირ, თუ ირიბად ემუქრებოდნენ:

"მანამ სანამ ეს ადამიანები რჩებიან თანამდებობებზე, საიდანაც შეწევთ ძალა, ზიანი მომაყენონ მე, ჩემი ოჯახის წევრებსა და სააგენტოს თანამშრომლებს, არ მაქვს მორალური უფლება სააგენტოს ფუნქციონირებისა".

კოტე ცირეკიძის დედა, ელეონორა არჩაია ქუთაისის საკრებულოს წევრი და პარტია ქართული ოცნების თავმჯდომარის მოადგილეა.

On.ge შინაგან საქმეთა სამინისტროდან პასუხს ელოდება.