პარტია ქართული ოცნების თავმჯდომარე, ბიძინა ივანიშვილი ხორავას ქუჩაზე მოკლულის მამის, ზაზა სარალიძის დაკავებას ეხმაურება და აცხადებს, რომ ის რუსთაველზე ნაციონალურ მოძრაობას აქციებისთვის ადგილს უნახავს.

ბიძინა ივანიშვილის განცხადებით, გაუგებარია, რად უნდა ზაზა სარალიძეს კარავი რუსთაველთან.

"ბატონ ზაზას ვთხოვდი, კეთილი ინებოს... ესე არ შეიძლება პოლიტიზირება. ის, რომ რუსთაველზე ადგილს უნახავს ნაციონალურ მოძრაობას, კარგად ვიცით. ხელს ნუ შეუშლის გამოძიებას, არ არის ეს ზეწოლა ნორმალური, არ არის საჭირო ქუჩა, ეს ხელისუფლება ამას არ იმსახურებს. კიდევ ერთხელ ვუსამძიმრებ, მაგრამ ესე არ შეიძლება, განა კარგად არ ვიცით, რომ ეს პოლიტიზირებულია ნაციონალური მოძრაობისგან? ის რომ ნაციონალური მოძრაობის კოორდინატორი იყო, რათ უნდათ, რომ ააგო ეს კარავი იქ?", — განაცხადა ბიძინა ივანიშვილმა.

მისივე თქმით, პარტია ნაციონალური მოძრაობა რუსთაველის გამზირზე სამდღიან მიტინგს გეგმავდა, თუმცა სამართალდამცველებმა "მოახერხეს და პრევენცია განახორციელეს".

შინაგან საქმეთა სამინისტროს ინფორმაციით, ხორავას ქუჩაზე მოკლულის მამა, ზაზა სარალიძე და მათთან ერთად ორი პირი პოლიციელებზე თავდასხმის ბრალდებით დააკავეს.