ოსკარის სამი ნომინაციის შემდეგ, როგორც ამბობენ, ჯონი დეპი დაიღალა და აპირებს 2020 წელი კარიერის ყველაზე მნიშვნელოვან პერიოდად აქციოს.

სწორედ ამიტომ, ხანგრძლივი მოლაპარაკებების შემდეგ დათანხმდა ბიოგრაფიულ ფილმში, Minamata, ითამაშოს და ერთ-ერთი ყველაზე პოპულარული ფოტოგრაფის, უილიამ იუჯინ სმიტის როლი შეასრულოს.

მიუხედავად იმისა, რომ როლი საინტერესო ჩანს, უნდა ითქვას, რომ შესაძლოა, დეპმა ფსონი არასწორ ფილმზე დადო. მით უმეტეს, თუ გავითვალისწინებთ, რომ რეჟისორი ენდრიუ ლევიტასია, რომელსაც აქამდე მხოლოდ ერთ ფილმი აქვს გადაღებული და ისიც, არც თუ ისე წარმატებული.

რაც შეეხება იუჯინ სმიტს, ისტორიამ ის ერთ-ერთი უნიჭიერესი და უკომპრომისო ფოტორეპორტიორის სახელით დაიმახსოვრა, რომლისთვისაც შემოქმედებით დამოუკიდებლობა უფრო მნიშვნელოვანი იყო, ვიდრე, ფინანსური სარგებელი.

მიუხედავად იმისა, რომ სმიტს აუტანელი ხასიათი ჰქონდა და საკუთარ თავში ზედმეტად დარწმუნებული იყო, მისი დამკვეთები, შესრულებული სამუშაოთი ყოველთვის კმაყოფილი რჩებოდნენ.

უილიამ იუჯინ სმიტი 1978 წელს გარდაიცვალა.

ფილმის გადაღებები 2019 წლის იანვარში, სერბეთში დაიწყება.