გირჩის საპრეზიდენტო კანდიდატის ზურა ჯაფარიძის თქმით, ბიბლიური თავისუფლების ლიდერი, ნიკა ობოლაძე პოლიციამ წაიყვანა. ამის შესახებ მან On.ge-ს პირდაპირ ეთერში განაცხადა.

მანამდე პოლიციამ განყოფილებაში გირჩის ორი ლიდერი იაგო ხვიჩია და ვახტანგ მეგრელიშვილი გადაიყვანა. როგორც შსს განმარტავს, ყველა მათგანი გამოძიების ფარგლებში წაიყვანეს.

როგორც უწყებამ On.ge-ს განუმარტა ფესტივალის ჩატარებასთან დაკავშირებით გამოძიება მცენარე კანაფის ან მარიხუანას უკანონო შეძენა-შენახვისა და გასაღების მუხლით არის დაწყებული.

ზურა ჯაფარიძემ განაცხადა, რომ ყველაფრის მიუხედავად კანაფის ლეგალიზაციის ფესტივალი დედაენის ბაღში მაინც ჩატარდება. მისივე თქმით, პოლიცია მათ ხელს უშლის და ფესტივალისთვის დედა ენის ბაღში დახლებისა და აპარატურის შეტანის საშუალებას არ აძლევს.