პარასკევს ფეისბუქმა გაავრცელა ინფორმაცია, რომ რამდენიმე კვირის წინ განხორციელებული შეტევის შედეგად ჰაკერებმა მომხმარებლების პირად ინფორმაციაზე წვდომა მოიპოვეს.

კომპანიის თქმით, FBI აღნიშნულ შეტევას აქტიურად იძიებს, თუმცა დამატებითი ინფორმაციის გავრცელებისგან თავს იკავებს.

სექტემბრის ბოლოს განხორციელებული შეტევისას ჰაკერებმა წვდომა მომხმარებლების ტელეფონის ნომრებზე, იმეილებზე, ლოკაციებზე, დაბადების თარიღებსა და ძებნის ისტორიაზე მოიპოვეს.

შეტევისას ჰაკერებმა ფეისბუქის "ციფრული გასაღებების" მოპარვა შეძლეს, რომლის საშუალებითაც პლატფორმა მომხმარებლის იდენტიფიკაციას ახდენს.

"15 მილიონ ანგარიშზე ჰაკერებმა მხოლოდ ორი ტიპის ინფორმაციის მოპოვება შეძლეს, ეს არის სახელი და საკონტაქტო დეტალები (ტელეფონი, იმეილი). დანარჩენ 15 მილიონ ანგარიშის შემთხვევაში კი ჰაკერებს წვდომა პროფილში მითითებულ პრაქტიკულად ყველა ტიპის ინფორმაციაზე ჰქონდათ," - ნათქვამია განცხადებაში.

ფეისბუქმა განაცხადა, რომ შეტევა მესენჯერს, ინსტაგრამსა და Whatsapp-ს არ შეხებია.

FBI-ს წარმომადგენელმა დაადასტურა, რომ აღნიშნული საკითხის გამოძიებისთვის ისინი ფეისბუქთან აქტიურად თანამშრომლობენ, თუმცა ვინ შეიძლება იდგეს ამ შეტევის უკან, კვლავ უცნობია.

ლბმულზე გადასვლით შეგიძლიათ შეამოწმოთ, შეეხო თუ არა აღნიშნული კიბერშეტევა თქვენს ანგარიშს.