ნიუ-იორკში 1993 წლიდან პირველად უქმე დღეები ისე გავიდა, რომ სროლა არ ყოფილა, წერს France24.

"პარასკევი, შაბათი და კვირა სროლისა და მკვლელობის გარეშე გავიდა", — განაცხადა პოლიციის უფროსმა, ჯეიმს ონილმა.

როგორც Time წერს, პაუზა ხუთშაბათს, 11 ოქტომბერს ბრუკლინში სროლით დაიწყო და ორშაბათს, 15 ოქტომბერს ბრონქსში სროლით დასრულდა.

2018 წლის პირველ ნახევარში ქალაქში მკვლელობები წინა წლის ანალოგიურ პერიოდთან შედარებით 8 პროცენტით გაიზარდა. მკვლელობების დიდი ნაწილი ბრუკლინსა და ბრონქსში ხდება.