ავსტრალიის დედაქალაქ კანბერაში მდებარე ამერიკის საელჩომ, შეცდომით, ელექტრონული წერილები გააგზავნა, რომლებშიც ორცხობილების მონსტრის ფორმაში გამოწყობილი კატის სურათი იყო მიმაგრებული.

წერილის შინაარსი არარსებულ ღონისძიებაზე მიწვევა იყო.

ამერიკის საელჩოს განცხადებით, წერილები ახალმა თანამშრომელმა სწავლების დროს შეცდომით გააგზავნა. უწყებამ ბოდიში მოიხადა:

"ბოდიშს გიხდით ყველას, ვინც ფიქრობდით, რომ პიჟამა-წვეულებას დაესწრებოდით".

უცნობია, რამდენ ადამიანს გაუგზავნა ამერიკის საელჩომ შეცდომით წერილი. რაც შეეხება უსაყვარლეს კატას, როგორც Mashable წერს, ცხოველი მელბურნში მცხოვრებ ქალს, ჯენიფერ სტიუარტს ეკუთვნის.