ფეხბურთის ფედერაციის პრეზიდენტი ლევან კობიაშვილი საკუთაუ ფეისბუკის გვერდზე წერს, რომ მაჟორიტარობის კანდიდატად წარდგენის მიუხედავად იგი არ აპირებს პრეზიდენტის პოსტის დატოვებას:

"ვრჩები საქართველოს ფეხბურთის ფედერაციის პრეზიდენტად და დარწმუნებით შემიძლია გითხრათ, რომ იგივე ტემპით, იგივე რეჟიმში გავაგრძელებთ იმ პროექტების განხორციელებას, რომელიც სასიცოცხლოდ მნიშვნელოვანია იმ დიდი ცვლილებების მისაღწევად, რაც მე და ჩემმა გუნდმა დავისახეთ მიზნად.

სწორედ განხორციელებული პროექტები, ჩვენი წინგადადგმული ნაბიჯები იქნება ჩემი და ჩემი გუნდის მიერ გაწეული სამუშაოს შეფასება. მინდა, მივმართო თითოეულ ადამიანს, საფეხბურთო სამყაროს ყველა წევრს დაგულშემატკივარს, რომ საქართველოს ფეხბურთის ფედერაცია ჩემი ხელმძღვანელობით გააგრძელებს წინსვლას, იმ მთავარი მიზნის მისაღწევად, რასაც ქართული ფეხბურთის განვითარება ჰქვია".

ამავე დროს, ფიფას ეთიკის კოდექსის მე-14 მუხლში განმარტებულია, რომ კოდექსს დაქვემდებარებულმა პირებმა პოლიტიკური ნეიტრალიტეტი უნდა შეინარჩუნონ.

15 აგვისტოს პრემიერმა გიორგი კვირიკაშვილმა კობიაშვილი გლდანის 21-ე ოლქის მაჟორიტარი დეპუტატობის კანდიდატად წარადგინა.