ჩხოროწყუს მუნიციპალიტეტში, სოფელ კირცხში ხანძრის დროს 80 წლის კაცი გარდაიცვალა. ამის შესახებ ინფორმაცია On.ge-ს საგანგებო სიტუაციების მართვის სამსახურში დაუდასტურეს.

უწყების ცნობით, დამწვარია საცხოვრებელი სახლის 140 მ2 ფართობი. ადგილზე მობილიზებული იყო სამი სახანძრო ბრიგადა.

როგორც შინაგან საქმეთა სამინისტროში აცხადებენ, საქმეზე გამოძიება საქართველოს სისხლის სამართლის კოდექსის 188-ე მუხლით დაიწყო.