ერთიანი ნაციონალური მოძრაობა მიიჩნევს, რომ ცენტრალური საარჩევნო კომისიის გადაწყვეტილება, ცენტრისტებისთვის საარჩევნო რეგისტრაციის გაუქმების შესახებ, მთავრობის ზეწოლის შედეგია:

"ჩვენ, ბედუკაძე-ხაჩიშვილის პარტიის რეგისტრაციიდან მოხსნის მოთხოვნით დღეს დილით შევიტანეთ საჩივარი, თუმცა ცესკოს ეს გადაწყვეტილება თამარ ჟვანიას ინიციატივა ნამდვილად არ ყოფილა, ეს მთავრობის ინიციატივა იყო".

ხათუნა გოგორიშვილის თქმით, თამარ ჟვანიას განცხადება იმის შესახებ, რომ ცესკო პარტიების დოკუმენტაციას არ ამოწმებს, სიმართლეს არ შეესაბამება. მან წარადგინა დოკუმენტი, რომლის თანახმადაც ცესკომ ნაციონალური მოძრაობის დოკუმენტაცია გადაამოწმა.

"ზოგადად მთავრობის დაკვეთა იყო, რომ მაქსიმალური პრობლემები შეექმნას პროდასავლური ოპოზიციისთვის. ხაჩიშვილი და ბედუკაძე მათთვის პრობლემას არ წარმოადგენდა მანამ, სანამ საზოგადოებრივი მოძრაობა არ დაიწყო. ჟვანიამ განაცხადა, რომ ცენტრალურ საარჩევნო კომისიას პარტიების დოკუმენტების გადამოწმება არ ევალება. თუმცა, მე ხელთ მაქვს წერილი, სადაც საქმე შეეხება ნაციონალურ მოძრაობას, როცა მან დეტალურად შეამოწმა ჩვენი წესდება და ხარვეზი დაგვიდგინა. ესაა ერთადერთი რამის მაჩვენებელი - ბიძინა ივანიშვილი და ხელისუფლება სრულ სინქრონშია ცენტრისტების პრორუსულ მოწოდებასთან".

ფოტო: ერთიანი ნაციონალური მოძრაობა

ფოტო: ერთიანი ნაციონალური მოძრაობა