ტეილორ სვიფტს თავის ფანებს არასდროს ივიწყებს. წლების წინ, მან აუტისტური სპექტრის მქონე 5 წლის ფანს $10 000 გადაურიცხა, რომ მას დამხმარე ძაღლი ჰყოლოდა.

ცოტა ხნის წინ კი, უკვე 8 წლის ჯეიკობ ჰილი, თავის ოჯახთან ერთად, ჰიუსტონში გამართულ კონცერტზე მიიწვია.

ჯეიკობი, მისი დედა და და ძაღლთან ერთად წინა რიგებში ისხდნენ. მათ კულისებს მიღმა ტეილორთან შესახვედრად სპეციალური მიწვევა ჰქონდათ.

სწორედ Rep Room-ში შეხვდნენ ჯეიკობი და ტეილორი ერთმანეთს.

ფოტო: Autism Speaks

"ტეილორი ძალიან გულუხვი იყო. ის ჩვენს ძაღლსაც კი მოეფერა, თუმცა ყველაზე თბილად ჯეიკობს ეპყრობოდა. ტეილორი ჩემი შვილის შეზღუდულ შესაძლებლობას არ ხედავდა, ის უბრალოდ მას ხედავდა, როგორც თანასწორს. ის მუხლებზე დადგა, ჯეიკობს თვალებში უყურებდა და ისე მიესალმა, შემდეგ კი მის კონცერტზე მისვლისთვის მადლობა გადაუხადა", - იხსენებს ჯეიკობის დედა.

ფოტო: Autism Speaks

ტეილორმა ჯეიკობი 2 წლის წინ აღმოაჩინა, როცა მისმა დამ Blank Space-ის ინტერპრეტირებული ქავერი ჩაწერა და ტეილორს ძაღლის ყიდვაში დახმარება სთხოვა.