მმართველი პარტიისგან მხარდაჭერილმა საპრეზიდენტო კანდიდატმა, სალომე ზურაბიშვილმა ნინოწმინდაში ეთნიკურად სომეხ მოსახლეობასთან შეხვედრისას თურქოფობიული შინაარსის განცხადება გაავრცელა. მან საქართველოს ყოფილი პრეზიდენტის, მიხეილ სააკაშვილის მიერ ეთნიკურად თურქებისთვის მოქალაქეობის მინიჭებაზე ნეგატიურ ჭრილში ისაუბრა.

"ერთმა პრეზიდენტმა [მიხეილ სააკაშვილი] ძალიან ბევრი მოქალაქეობა დაურიგა თურქებს, რომლის დღეს მისი წარმომადგენელი არის ჩემი ერთ-ერთი ოპონენტი [გრიგოლ ვაშაძე], მაგრამ თქვენ არ მოგცათ მოქალაქეობა", — ასე მიმართა ეთნიკურად სომეხ მოსახლეობას პრეზიდენტობის კანდიდატმა.

ნინოწმინდაში მოსახლეობასთან შეხვედრისას სალომე ზურაბიშვილმა ორმაგ მოქალაქეობასთან დაკავშირებით ისაუბრა. შეხვედრის აუდიოჩანაწერი რადიო ნორმა გაავრცელა.