ვაკის მესამე ოლქში ქართული ოცნება-დემოკრატიული საქართველოს მაჟორიტარობის კანდიდატი ზაზა ხუციშვილი იქნება.

კანდიდატი დღეს პარტია ქართული ოცნების თავმჯდომარემ და პრემიერმინისტრმა გიორგი კვირიკაშვილმა წარადგინა.

სიტყვით გამოსვლისას გიორგი კვირიკაშვილმა მოსახლეობას "კიდევ ერთხელ სთხოვა კონსოლიდაცია და გაერთიანება საქართველოს უკეთესი მომავლისათვის".

ზაზა ხუციშვილმა წარდგენის შემდეგ განაცხადა, რომ მას მრავალ საქმიანობაში აქვს გამოცდილება მიღებული, ხოლო ერთ-ერთი სფერო, რის გაუმჯობესებასაც ის აპირებს, გარემოს დაცვაა.