აგრესიულ პროპაგანდასთან ბრძოლისთვის აშშ-ს სახელმწიფო დეპარტამენტმა სტრატეგიული კომუნიკაციების გასაძლიერებლად საქართველოს ნახევარი მილიონი დოლარი გამოუყო. ამის შესახებ მთავრობის სხდომის დაწყებამდე პრემიერ-მინისტრმა, მამუკა ბახტაძემ განაცხადა. მისი თქმით, აშშ-სთან ერთად შემუშავდა სამოქმედო გეგმა:

"ესაა უნიკალური პროექტი, რომელიც კიდევ ერთხელ ადასტურებს ამერიკის შეერთებული შტატების მთავრობის მტკიცე მხარდაჭერას საქართველოს დასავლური ინტეგრაციის მიმართ".

როგორც პრემიერმა განმარტა, აღნიშნული თანხა გადაეცემა საინფორმაციო ცენტრს ნატოსა და ევროკავშირის შესახებ, რომელმაც მთელი ქვეყნის მასშტაბით საზოგადოების ინფორმირება უნდა უზრუნველყოს იმასთან დაკავშირებით, თუ რა სიკეთეები მოაქვს ევროინტეგრაციის პროცესს.