საპარლამენტო უმრავლესობის, ქართული ოცნების ლიდერმა, არჩილ თალაკვაძემ პრემიერ-მინისტრის გაეროს გენერალურ ასამბლეაზე სიტყვით გამოსვლა შეაფასა. მისი თქმით, მამუკა ბახტაძემ სწორი აქცენტები დასვა, როდესაც რეგიონში საქართველოს როლზე ისაუბრა და მსოფლიოს მხარდაჭერისკენ მოუწოდა:

"მან საკუთარი ქვეყანა წარმოაჩინა, როგორც ძლიერი პარტნიორი, რომელსაც კიდევ უფრო მეტი მხარდაჭერა სჭირდება მსოფლიო თანამეგობრობის მხრიდან. მან ისაუბრა მსოფლიოში მშვიდობისა და უსაფრთხოების საკითხებში საქართველოს მიერ შეტანილ წვლილზე. ამავე დროს, მოუწოდა პარტნიორ ქვეყნებს, კიდევ უფრო აქტიურად დაუჭირონ მხარი საქართველოში განვითარების პროცესს".

პრემიერ-მინისტრმა, მამუკა ბახტაძემ გაეროს ტრიბუნიდან ასამბლეის მონაწილეებს ქართულ ენაზე მიმართა. 73-ე სესიაზე სიტყვით გამოსვლის დროს, პრემიერმა ყურადღება გაამახვილა ოკუპირებულ ტერიტორიებზე, ქვეყნის სამშვიდობო პოლიტიკაზე, ახალ ინიციატივებზე, ქვეყნის საგარეო კურსსა და მოლოდინებზე.

გაიგეთ მეტი: მამუკა ბახტაძის გამოსვლა გაეროს გენერალურ ასამბლეაზე სრულად — მთავარი აქცენტები