დეკანოზმა ანდრია ჯაღმაიძემ განაცხადა, რომ მმართველი პარტიის მიერ მხარდაჭერილი კანდიდატის, სალომე ზურაბიშვილის მიერ სენსიტიურ თემებზე გაკეთებულმა განცხადებებმა გამოიწვია სასულიერო პირების პასუხები. ამის შესახებ მან ინგა გრიგოლიას ტოქ-შოუ რეაქციაში განაცხადა.

დეკანოზის თქმით, არასაარჩევნო გარემო, რომ ყოფილიყო მეუფეები მსგავს "მგრძნობიარე თემებზე" კანდიდატის შეფასებებს მაინც გააკრიტიკებდნენ. მისივე თქმით, განცხადებები არ იყო მიმართული არჩევნების შედეგებზე.

როგორც მან განაცხადა, მართლმადიდებელი ეკლესიის კათოლიკოს პატრიარქმა სოციალურ ქსელში ზურაბიშვილის მიმართ გავრცელებული არაკორექტული შეფასებების გამო მოუწოდა მღვდელმსახურებს თავშეკავებისაკენ.

მას შემდეგ, რაც მეუფე პეტრემ და მეუფე იაკობმა ზურაბიშვილის შესახებ ისაუბრეს, ილია მეორემ მოუწოდა მღვდლებს თავი შეეკავებინათ პოლიტიკოსების არაკორექტულად მოხსენიებისგან.

თავდაპირველად, ზურაბიშვილმა განაცხადა, რომ თავს უფლებას არ მისცემდა მეუფეების განცხადებები შეეფასებინა. მოგვიანებით კი აღნიშნა — "ეკლესიის ამ დონის ფიგურები ერევიან იმაში, რაც ნამდვილად არ არის მათი საქმე".