საქართველოს პარლამენტის წევრი, ნატო ჩხეიძე პატრიოტთა ალიანსს ტოვებს. ამის შესახებ მან ტელეკომპანია რუსთავი 2-ში რამდენიმე წუთის წინ ისაუბრა.

დეპუტატმა გადაცემა არჩევანში საუბრისას, თავდაპირველად, აღნიშნა, რომ პატრიოტთა ალიანსის მიმართ პოლიტიკური გადაწყვეტილება მიიღო, მოგვიანებით კი დააზუსტა, რომ ფრაქციას ტოვებდა.

"ფრაქციის დატოვებას ვაპირებ, ამას გავაჟღერებ სესიაზე და მე დარწმუნებული ვარ, რომ საქართველოს პარლამენტში აუცილებლად მოინახება ერთი დეპუტატი მაინც, რომ ფრაქცია არ დაიშალოს და გააგრძელონ ჩვეული მოღვაწეობა, თუ მუშაობა საქართველოს პარლამენტში და მე ალბათ დავრჩები დამოუკიდებელი დეპუტატი", — განაცხადა ჩხეიძემ, თუმცა მიზეზებზე არ ისაუბრა.