ოსკარის ნომინანტი როზამუნდ პაიკი, სულ მალე ახალ სერიალში, The Banker’s Wife, მთავარ როლს შეასრულებს.

სერიალი კრისტინა ალგერის ამავე სახელწოდების წიგნს ეფუძნება. შოუს რეჟისორი ლესლი ლინკა გლეტერი იქნება, სცენარზე კი მერედით სტიემი იმუშავებს. ორივე მათგანი აქამდე შოუთაიმთან, სერიალ Homeland-ზე თანამშრომლობდა.

სერიალს პარიზში, ჟენევაში, ლონდონსა და ნიუ-იორკში გადაიღებენ. სიუჟეტი ორი ქალის გარშემო ვითარდება, რომლებიც თვითმფრინავის ჩამოვარდნის საიდუმლოებით მოცული ამბის შემდეგ, მათ გარშემო არსებულ სიმართლეს აღმოაჩენენ.

წიგნი ეხება ისეთ თემებს, როგორებიცაა საფონდო ბირჟები, ძლევამოსილი პოლიტიკოსები, ფულის გათეთრება და ა.შ.