ქართული ოცნების დეპუტატმა, გუგული მაღრაძემ განაცხადა რომ მარიხუანის წარმოება სამედიცინო მიზებისთვის ქვეყანას მოგებას მოუტანს. ამის შესახებ მან რუსთავი 2-თან ინტერვიუში ისაუბრა.

"ჩვენ უცხოეთში გასატანი არა გვაქვს არაფერი, იმიტომ რომ ძალიან რთულია. მაგრამ, ახლა იცით რამხელა შეჯიბრია ქვეყნებს შორის, რომ ვინ გაიტანს ამ პროდუქტს [მარიხუანას] უცხოეთში", - განაცხადა მაღრაძემ.

დეპუტატის თქმით, მარიხუანის წარმოება სოფლის მეურნეობის კულტურაა და საქართველოში მეურნეობა კარგად არის განვითარებული.

"სადღაც მოიყვანენ სიმინდს, ლობიოს, მალინას, სადღაც ჟოლოს და სადღაც ამას [მარიხუანას]. ეს იქნება ლიცენზირებული, ეს იქნება გათვლილი იმის მიხედვით, რომ მოიტანოს მეტი მოგება ქვეყნისთვის"

საქართველოს შინაგან საქმეთა სამინისტრო სამთავრობო გუნდთან ერთად მუშაობს კანონპროექტზე, რომელიც მარიხუანასგან წარმოებული მედიკამენტების ექსპორტზე გატანას გულისხმობს. ჯანდაცვის კომიტეტის თავმჯდომარე აკაკი ზოიძე ამბობს, რომ ინიციატივა მარიხუანას მოხმარების შემზღუდველ კანონპროექტთან ერთად მთავრობის სხდომაზე იქნება წარდგენილი.

ამავე თემაზე: