ცოლისა და შვილების მიმართ ძალადობისთვის ბრალდებული კაცი ბათუმის საქალაქო სასამართლომ დამნაშავედ ცნო და ერთწლიანი პატიმრობა მიუსაჯა.

საქართველოს მთავარი პროკურატურის ინფორმაციით, სასამართლოში დადასტურდა, რომ 2018 წლის 11 მაისს მსჯავრდებულმა ფიზიკურად იძალადა შვილებსა და მეუღლეზე. კერძოდ, მან არასრულწლოვან შვილებს ზურგსა და ფეხზე, ხოლო მეუღლეს თავში დარტყმებით ფიზიკური შეურაცხყოფა მიაყენა.

უწყების ცნობით, სასამართლო პროცესზე ისიც დადასტურდა, რომ ამავე წლის 3 მაისს მსჯავრდებულმა შვილების თანდასწრებით ცოლს ზურგის არეში რამდენჯერმე დაარტყა ხელი.

მსჯავრდებულს ბრალი 1261-ე მუხლის მეორე ნაწილის "ბ" და 1261-ე მუხლის მეორე ნაწილის "ა", "ბ" და "გ" ქვეპუნქტებით წარედგინა. აღნიშნული მუხლები ორზე მეტი პირის მიმართ არასრულწლოვანის თანდასწრებით ოჯახში ძალადობას გულისხმობს. მსჯავრდებული 6 თვეს სასჯელაღსრულებით დაწესებულებაში მოიხდის, დანარჩენი 6 თვე კი პირობითად 1 წლის გამოსაცდელი ვადით ჩაეთვალა.