მსოფლიო პატრიარქმა განაცხადა, რომ უკან დახევას არ აპირებს და მხარს უჭერს უკრაინის ეკლესიის დამოუკიდებლობას, რომელმაც ათასობით წელი რუსეთის ეკლესიის მმართველობის ქვეშ გაატარა. აღნიშნული ინფორმაციას Washington Post, Associated Press-ზე დაყრდნობით ავრცელებს.

გამოცემა საფრანგეთის მიტროპოლიტის ემანუელის განცხადებას ეყრდნობა, რომლის მიხედვითაც, მიუხედავად მხარდაჭერისა საბოლოო დაგაწყვეტილება ჯერ მიღებული არ არის.

მიტროპოლიტ ემანუელის განცხადებით, მსოფლიო პატრიარქ ბართლომე I-სა და რუსეთის პატრიარქ კირილს შორის სტამბოლში გამართული შეხვედრის მთავარი თემა უკრაინის მართლმადიდებლური ეკლესიის ავტოკეფალიის საკითხი იყო.

უკრაინის პრეზიდენტმა წარმართაკამპანია მსოფლი პატრიარქის, ბართლომეოსის დასარწმუნებლად, რათა მას მხარი დაეჭირა უკრაინის ეკლესიის ავტოკეფალიისთვის.

უკრაინელმა პოლიტიკოსებმა ნახეს დეკლარაცია, რომელიც გარდამტეხი ნაბიჯია თავიანთი ქვეყნის ნაციონალური იდენტობის კონსოლიდაციისთვის.

"დღეს, მსოფლიო პატრიარქმა განაცხადა, რომ გადაწყვეტილება მიღებულია, ჩვენ მივყვებით მის მითითებებს. ჩვენ არ ვართ გადაწყვეტილების განხორციელების ბოლო საფეხყრზე, ეს გრძელი პროცესია, თუმცა ვმუშაობთ მსოფლიო პატრიარქთან კოორდინაციით", - განაცხადა საფრანგეთის მიტროპოლიტმა ემანუელმა.

კონტანტინოპოლის მსოფლიო საპატრიარქოს შეხვედრის შედეგებზე ოფიციალური განცხადება, ჯერჯერობით, არ გაუვრცელებია.

რუსეთის პატრიარქმა კირილემ განაცხადა, რომ ეს არის დარტყმა მართლმადიდებლური ეკლესიის ერთიანობაზე და აპირებს ბრძოლას მის შესაჩერებლად.

სექტემბრის დასაწყისში კონსტანტინოპოლის საპატრიარქოს შეხვედრა უნდა გაიმართოს, რომელზეც შესაძლოა, უკრაინის ავტოკეფალიის საკითხი განიხილონ. თუმცა, დღის წესრიგში ამ თემის შეტანას მოსკოვი ეწინააღმდეგება.