სესაქართველოს ფეხბურთის ფედერაციის ვიცე-პრეზიდენტმა, ნიკა ჯღარკავამ განაცხადა, რომ ფედერაციის პოზიცია უცვლელია და ისინი მხარს უჭერენ გურამ კაშიას.

"ჩვენ კვლავ ვეწინააღმდეგებით ყველანაირი სახის დისკრიმინაციას, ძალადობას და გვერდში ვუდგავართ გურამს მის ამ გადაწყვეტილებაში. ყველანაირ მხარდაჭერას ვუცხადებთ".

მისივე თქმით, უეფას მიერ კაშიასთვის გადაცემული #EqualGame-ის ჯილდო ფეხბურთის ფედერაციისთვის მნიშვნელოვანია.

9 სექტემბერს დინამო არენაზე საქართველოს ეროვნული ნაკრები ლატვიის ნაკრებს ეთამაშება. ჯღარკავამ განაცხადა, რომ თამაშისთვის უსაფრთხოების ყველა ზომა იქნება მიღებული.

ფედერაციის ვიცე-პრეზიდენტს გურამ კაშიასთვის მხარდაჭერა არაერთხელ გამოუცხადებია. გასული წლის ოქტომბერში ფეისბუკზე კაშიას ფოტოს გამოჩენამ, რომელზეც თამაშის დროს, ლგბტ დროშის ფერებში სამკლაური უკეთია ქართველი მომხმარებლების ნაწილი გააღიზიანა. ჯღარკავამ მაშინ განაცხადა, რომ კაშია სამაგალითო პიროვნებაა.

მოგვიანებით კაშიამ განაცხადა, რომ ძალადობის წინააღმდეგია და არ ნანობს რაც გააკეთა. თავად სამკლაური კი ცნობიერების ამაღლების კამპანიის ნაწილია.

რამდენიმე დღის წინ ცნობილი გახდა, რომ უეფა გურამ კაშიას ლგბტ თემის მიმართ გამოხატული მხარდაჭერისთვის დააჯილდოებს. #EqualGame უეფას ახალი ჯილდოა, რომელიც პირველად ქართველ ფეხბურთელს გადაეცა.

მას შემდეგ, რაც ერონული ნაკრების ვიცე-კაპიტნმა და სან ხოსეს მცველმა ვერიფცირებული ფეისბუქგვერდი გააუქმა, ინსტაგრამის მომხმარებელმა კამპანია #გურამშენთანვართ წამოიწყეს.

ინსტაგრამის სთორიში ქვეყნდება პოსტები ჰეშთეგით #გურამშენთანვართ და @37GK, რაც კაშიას ინსტაგრამის მისამართია. ფეისბუქის მომხმარებლები კი მხარდასაჭერად ჩარჩოს იყენებენ. ჩარჩოს საკუთარ პროფილზე დასაყენებლად, დააკლიკეთ აქ.

კაშიას ეროვნული ნაკრების რამდენიმე ფხბურთელმა გიორგი მერებაშვილი, გიორგი ქვილითაიამ, გიორგი ლორიამ და ნიკა კვეკვესკირმა მხარდაჭერა უკვე გამოუცხადეს.

ამავე თემაზე: